يا يمه جيت ابسأل ليه انا حظي مجافيني
اشوف الناس ملتمه وانا ما بين حسراتي
اشوف افراح من حولي اسلم ما تحيينـي
اناديها وانا خجلان الـزم فـي تحياتـي
احاكيها يافرحه وين؟ حلفت انك تزوريني
اشد بحكي ثم ارخي اداعبهـا بهمساتـي
ولا به فايـده يمـه برغبتهـا تمشينـي
تواعد ثم تخلفني او انها تنسى اوقاتـي؟
انا اذكْردعوتك لله ... طلبك انه يخلينـي
طلبك انه بيرزقني و يوفقني في بداياتـي
تعلمت الدعاء منك وصارت عـادةٍ فينـي
اذا نامت عيون الخلق اوجه لربي دعواتي
رجيت بصوت كله خوف متأمل بيعطينـي
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفيني
صبرت بحروة امالي وحروة كل هقواتـي
وجت للخلق ذا كله ولكـن ازرت تجينـي
وقلت اكيد هي خيره حمدت الله لحالاتـي
كتمـت الاه لا تطلـع ولا ودي تشوفينـي
ما ودي يتعبك نوحي ولا تشقيك شهقاتي
تجرعت الالم يمه شربته بـأول سنينـي
وجيتك ما بغيت انك تحسي مر لوعاتـي
اضّحك هم دمعاتي واطمن خوف يحوينـي
واجر بصوتي العالي لاجل عينيك ضحكاتي
واذا صديت عن وجهك اسلم امري لعينـي
تجيني مثل جلادٍ يروق ان شاف دمعاتـي
اجملها بذكـر الله واقـول الله بيجزينـي
اهدّي نفسي اطلبهـا تجملهـا ببسماتـي
ولكن لو نجي للجد ترى كذبـي مأذينـي
ما عاد استحمل العيشه بتزيفي لفرحاتـي
انا هلكان يا يمـه انـا تعبـان ضمينـي
انا كل ليله اتوفى وارد احيـا لصرعاتـي
ذبحني البرد يايمه بغيتـك لـو تدفينـي
طلبتك انزعي بردٍ سكن واستوطن بذاتـي
تزاحمت يمه بصدرٍ ما يكفـي ضلوعينـي
من الضيقه من همومي من الامي واهاتي
يلاعب فكري جنون و تلاعبني شياطينـي
توريني ضعف حالي ... تذّكرني بمعاناتي
تشككني بحبك لي واقـول انـك تحبينـي
تعاند حبك بقلبـي تكـذب لـي حكاياتـي
ترى ما هزني خوفي وحبك لي بيحمينـي
ترى ما عمري اشكك والومك في نهاياتي
انا بس باسالك يمه حقيقه ليه ولدتيني؟؟؟
بنفس اللحظه يا يمه ولدتي ليه وناتي ؟؟؟
ارد ادعي انا ربي مـن العلـه يشافينـي
وكل خوفي على قلبك اذا مـروك برفاتـي
انا خايف من احـلامٍ نهايتهـا بتشقينـي
ومن قسوة مشاويري ومن اخر مسافاتـي
وخايف والله من قبري ومن تربه تغطيني
وسيره تنقطع بعدي ما يبقى غير كلماتـي
ابيكي ترضي بالقسمه ورضوانك بيرضيني
تراني لاجلك اتمنى يحقق ربـي رغباتـي
يا يمه لا اشوف الهم بوجهك لا تبّكينـي
ترى مكتوبه قبل اولد متى ولوين خطواتي
واذا ما جت على كيفي ابيكي منها تعفيني
ابي ترحمني دموعك وتشفع عندك ابياتي
منقوووول
![~©[ مراقبه اداريه ]©~](https://2img.net/i/itest/ranks/stars/stars5.gif "~©[ مراقبه اداريه ]©~")
الأربعاء يناير 23, 2008 4:05 pm
![~[ كبار الشخصيـات ]~](https://2img.net/i/itest/ranks/default/default5.gif "~[ كبار الشخصيـات ]~")
