ابسالك يابحر لوانك مكاني..!!

بسم الله الرحمن الرحيم


من أجي يا بحر انا جيتك من همومي اعاني
جـــــــــاك قلبي يشتكي فرقـــــــــا حبـــــــيبه

جيتك كلي امل تاخذ همــــــــــــومي عشاني
اسألك بالله يا بحــــــــــــــر اسمع هالمصيبه

ابحكي لك عن اللــــــــــي خذا قلبي ووجداني
انادي له وصوتي يسمعه وعــــــــيا لا يجيبه

اشتقت له واشتاقت له كل المـــــــــــــواني
كل عرق بداخلي يسأل ليه طــــــــول مغيبه

كنت لا شفته تشتعل في داخلي كل الاماني
كان لي نور بسود الليالي اقتــــــــــدي به

كنت في قربه يمر وقتي عجل مثل الثواني
كنت افتخر به قدام ناســـــــــي واحتفي به

كنت اغيظه بالجفا عشان اعــــرف مكاني
كنت اشعل غيرته ثم ارجع انتــــــــخي به

كنت اتعمد اهجره ومعه كل وجــــــــــداني
عشان اسمع عتابه واسمـــــع منه تأنيبه

كنت اجيه بغروري وبكبريائي اللي كساني
عشان يقول حبك غرورك بس اللي يعيبه

كنت في قربه مستبشره فيه كل المحاني
كنت في قلبه كنت له اقــــــــــرب قريبه

لين دقت ساعة الفرقا وبقسوته جاني
يقول ارحلي وقلبك اليوم الله حسيبه

حاولت اتعذر لكنه انعقد حتى لســـاني
كنت ابقول هذي سالفه وهم وعجيبه

واليوم قلبه قسا ورحل مع شخص ثاني
والجمر في اعماق قلبي تزايد لهــــــــيبه

احس الكون في بعده عاف قلبي وســــلاني
واحس الدنيا ضاقت من عقب ماهي رحيبه

وكل من مر من يمي بكلمتين واســــــــاني
يقولوا ارحمي قلبٍ بدا يخفت من نحـــــيبه

قلت ياناس اسمعوني:شوفوا حبيبي نساني
وعمرٍ من عقب فرقاه ضيع قلبي نصـــــيبه

وادري ان الله خذا مني مثل ماهو عــــــــطاني
وادري ان الغالي تركني برضاه ماهو غصيبه

بس اقول الله كريم وعمــــــــر كل الناس فاني
والمكان اللي خلا من زولـــــه وش ينبغي به

اسألك بالله يا بـــــــــــحر لو انك مكــــــــــاني
وش تسوي لا صار قــــــــــلبك فاقـــــــــد حبيبه