شوفو قلوب الامهات..........

السلام عليكم

حبيت اقول لكم قصه قريتها ونقلتها لكم...


كان في رجال وامه في قبيله من القابيل القديمه عايشين ومبسوطين


وفي يوم من الايام قالت الام للولدها شرايك تتزوج واشوف عيالك


قبل ما اموت قال الولد للام قال سلامتج من الموت وانمشاء الله بعد عمر


طويل قالت بزوجك واشوف اعيالك واستانس فيهم وافرح لهم كان قلب


الام من ذهب وخطبت له بنت حلوه حيل وجميله وزوجت ولدها وزفته


وفي ثاني يوم من الزواج الزوجه قالت لزوجها نبي نروح بعيد عن امك


امك تكرهني وضل يحاول فيها الزوج امي ما تكرهج اهي قالت اتزوجج


وعصبت الزوجه عليه وقالت نبي نروح لقبيله ثانيه سكت الرجال وقال


خلاص نروح لا تعصبين الرجال من نوع اللي سكانته مرته وسوري على


هالكلمه وراح تفهمون بعدين شنو قصدي من هالكلمه وليش قلتها


وقال للام بروح انا وزوجتي لقبيله ثانيه وبخليج اهنيه وازورج بعدين


تضايق الام وما حبت تضايقه وتزعله قالت روح يا ولدي الله يحفضك


والام تدعي له بالخير وان الله يبعده عن الظلم وعن المصايب لا تيي عليع


والزوجه تكره ام الولد وقالت بخليه يجيب لي قلب امه وراحت قالت له


ابيك تجيب لي قلب امك وابيك تذبحها لان اهي ما تحبني وتكرهني


تضايق الولد وقال لا شنو اذبح امي قالت ايه تذبحها امك تكرهني


وضل تحن عليه والولد قال انزين بروح اجيب لج قلبها واجي لج وراح


ذبح خاروف وجاب قلبه لها وعرفت انه قلب خاروف قالت مو قلب امك هذا


روح جيب قلب امك وتعال مو تضحك علي وراح ذبح بقره وجاب قلبها وقالت


هذا مو قلب امك انا مو خبله تقص علي روح جيب قلب امك والولد راح


للقبيله اللي ساكنه فيها امه وجاهم بالليل ولقاها نايمه وطلع


السكين وطعنها وصاحت الام وذبحها وطلع قلبها وفيه لحم القلب


وراح ركب حصانه ويبي يرد للقبيله اللي فيها زوجته ويعطيها قلب امه


ودرو قبيلة ام الولد انه ذبح امه وراحو يلحقونه في الصباح وشافوه


معاه قلب امه وكل واحد منهم طلع سيفه وراحو له وكل ما يبون يضربونه


بالسيوف القلب يوقف بطريقهم وما يخلهم يذبحونه انصدموو من الشيء هذا


وحتى الولد انصدم من اللي يصير كل ما قربو يبون يذبحونه القلب يوقف


بطريقهم واتركو الولد بروح وضل يفكر لما وصل لزوجته وعطاها قلب امه


وقالت الزوجه ايه هذا قلب امك وقال لها السالفه وهي مو مصدقه


وتضايق حيل وزعل على نفسه ليش يسوي جذي حتى امي وهي ميته خايفه علي


ما تبيهم يذبحوني ولا يقربون لي وتضايق حيل من اللي صار وتندم


وطلق زوجته ورد للقبيله اللي فيها امه وقال لهم كل شيء انه غلطان


وندمان على اللي سواه شوفو الحكمه ان قلب الام احن من اي قلب


وهي ميته الام القلب خايف على ولدها وما تبي احد يمسه باي مكرووه


وانتهت القصه وانشاء الله تنال على اعجابكم اخوكم: نوااف

مشكوووور يعطيك العاافيه

انامل بريئه يعطيك العافية

يعطيك العافية على مرورك تقبلي تحياتي

يعطيك العافيه