اجعل من دينك اسوبآ لحيآتكـ

السلام عليكم ورحمة الله وبركاته ..

اشلونكم شخباركم ؟!!

ثاني شي كتبت هالموضوع عشان نحاول ان نخلي ديننا اسلوب حياتنا ..

إِجعَل مِن دِيِنَك أُسلُوبَاً لِحَيَاتِكَ

كيف ؟!!

الصلاة : اجعلها كالدواء ..

كيف تجعل الصلاة اسلوب حياتك وتحس ان الصلاة تنفعك بالدنيا بعد .. تدري ان الصلوات يغفرون لما بينهما ؟!

يعني اوضح لكم .. يعني صليت المغرب قعدت سويت معصية معينة صليت العشا غفرالله لك المعصية الي سويتها

باذن الله .. وجذي انت الربحان انغفرت لي ..

تدرون ان الصلاة تجيب السكينة والراحة للمصلي ؟ يعني واحد متضايق ومهموم صارت له مشكلة معينة ..

قوم صل .. انت المستفيد الحين وبعدين .. انت الي بترتاح انت الي بتروق وانت الي بتقدر تحل مشكلتك ..

وبالتالي انت الي مآخذ الاجر !! ..

اجعل صلاتك كالدواء .. متضايق كأنك كليت بنادول وريحت بس الفرق ان الصلاة بالنهاية تعطيك اجر ..

اجعلها كالدواء الي اذا شربته يعطيك حسنات في الاخرة ويقيك عذاب النار !!

الزكاة : اجعلها كالاستثمار ..

استثماري الناجح .. كلنا شفنا هالدعاية الحلوة اكيد لأن برمضان وكل دقيقة يطلعونها اجعل من دينك اسوبآ لحيآتكـ 5

..

زكيت او تصدقت .. اعتبر نفسك مآخذ هالمبلغ من المال رحت وحطيته بشركة استثمارية .. بعد جم شهر

بطريقة من الطرق يعطونك ارباح هالاستثمار .. الرسول صلى الله عليه وسلم قال حديث في ما معناه

انا مو حافظته .. يقول فيه ان المال الي تبرعت فيه او زكيت فيه مو جنه ناقص من عندك ..

وبالتالي انت الي بتآخذ الاجر !!

الصوم : اجعله مشروب سحري اذا شربته تقي نفسك من الكثير من الامراض ..

ـ الوقاية من الأورام

ـ التوازن في الوزن

ـ الحماية من السكر

ـ علاج الأمراض الجلدية

ـ الوقاية من داء النقرس

ـ الحماية من جلطة القلب والمخ

ـ علاج لآلام المفاصل

كلها امراض الله يكفينا واياكم شرها .. الصيام يقيك منها باذن الله .. هذي الامراض الصحية بس !!

وفي امراض نفسيه الصيام يساعد على شفائها ..

لا تعتبر نفسك صايم وجوعان وابي آكل وآه وآه .. تخيل ان الدكتور قالك اشرب هالدوا من اذان الفجر لين اذان

المغرب راح تقي نفسك باذن الله من هالامراض ..

وبالتالي الاجر لك انت !!

اللطف في معاملة الناس : اجعله وسيلة لتجعل الناس تحترمك وتحبك !!

تلكم بلباقة .. احترم الناس .. لا تشتم ولا تسب .. تفاهم وتكلم بهدوء .. لا تفشي الاسرار .. لا تتناجى

مع واحد وفي ثالث وياكم .. اذا دش احد في مجلس قوم له خله يقعد احتراما له .. شيل الاذى عن الطريق .. ابتسم

بوجه الاخرين .. كلها اشياء بسيطة تحبب الواحد فيك .. لما ماتفشي الاسرار الناس يأمنونك على اسرارهم ..

لما تحفظ الامانات وترجعها حق اصحابها الناس تثق فيك .. لما تتناجى مع واحد وفي ثالث وياكم الثالث راح يزعل

عليك ويآخذ بخاطره .. لما يدش الكبير و تقووم له راح تكسب احترامه .. لما تشيل الاذى عن الطريق .. تكون

شلت الاذى يمكن عن واحد !! و لما ولما ولماا ..

وبالتالي انت الفائز الاول والاخير يوم القيامة من هالاشياء الي سويتها ..

|||||

معادلة حلوة وبسيطة .. يمكن تكون طويلة .. لكن اسهل منها ماكو .. ابسط منها ماكو .. احلى منها ماكو ..

معادلة وانا احلها قاعد اكسب في الدنيا .. وان ااحلها قاعد اكسب الشي الاهم والاهم في الآخرة ..

معادلة حلوة وبسيطة .. بس ياريت تمشي معانا عاد .. اجعل من دينك اسوبآ لحيآتكـ 5

..

اجعل من دينك اسلوبا لحياتك .. لتكسب رضا الله ثم رضاك عن نفسك ..
آخوكم وآثـق

مشـــرفه المساهمات : 42 تاريخ التسجيل : 27/11/2007

واثــق الخطوه

جزاكـ الله خيــر على موضوعكـ الرائع

لاهنت يالغلااا

بـــــــــــــــــــــــــــــــــارك الله فيك

شموخ
سحر
يعطيكم العافيه على التواجد

» اجعل الماسنجر على هذا الشكل " روعة؟