لبيهـ يا شمس الرياض وقمرهــــــــ^_^ــــا

لبيـه يـا مـن جـتْ علـى حـزة اشـراق
لبـيـه يــا شـمـس الـريـاض وقـمـرهـا

لبـيـه يــا صـبـح ٍ عـلـى ضيّـهـا فــاق
ضـيّ انتشـى بـيـن الجبـيـن ونحـرهـا

ضـيّ ٍ يغـارن مـنـه تلـعـات الاعـنـاق
ضــيّ ٍ يـسـوق لـكـل جـــادل قـدرهــا

شمس الشموس تحط ساق ٍ على ساق
تـامـر ولا احـــد ٍ بالـخـلايـق أمـرهــا

يامن على عطر الزهر عطرهـا فـاق
يـامـن ســواد اللـيـل ضـافـي شعـرهـا

ياللـي غيابـك محـرق ٍ قلـبـي احــراق
يـامـن تـولـى الــروح عقـبـك كـدرهـا

غبتي وانا يا سلوتـي خاطـري ضـاق
( مليت مـن كثـر الوجيـه وصورهـا )

ذقـت الجفـا لـيـت الـوفـا مـنـك يـنـذاق
لمشـي دروب ٍ مــا حسـبـت لوعـرهـا

وارقـا جبـال ٍ بـه وبـه أنــزل اعـمـاق
واهديـك مـن عـذب القصايـد دررهــا

واعاهدك ما انساك لو خضر الاوراق
تنسـى علـى جـال السـواقـي شجـرهـا

ما انساك لو ينسى المطر نوض برّاق
ما انساك لـو تنسـى المراكـب بحرهـا

يا كيف ابنسى اللي لـه الـروح تنسـاق
يـا كيـف ابنسـى اللـي حياتـي عمرهـا

حبيبتـي لومـا العـتـب مـنـك لــي راق
ما فاض من غيـض المشاعـر نهرهـا

هاتـي وعـد توفيـن واعطـيـك ميـثـاق
مـا انسـاك لوتنسـى عيونـي بصـرهـا

هلـيّ قــراح الـحـب واسقـيـه مشـتـاق
يشتـاقـلـك شـــوق الـنـفـوذ لـمـطـرهـا

جيتي وانا اللي للوصـل فينـي اشـواق
تثمـر وانـا اجنـي مـن غيابـك ثمـرهـا

جيتي ولا ادري هو لقـا يسبـق افـراق
ولاّ نــتــم اثـنـيــن عــيــن ونـظـرهــا ~*¤


__________________

آلف شكر تحياتي على هالقصيده الرائعه اهنيك على اختيارك للهقصيده تقبلي تحياتي

الله يعافيكم
مشكورين على المرور